Մանկական հիվանդություններ
Ի՞նչ ախտանշաններ են ի հայտ գալիս երեխաների մոտ` ոսկրերի ուռուցքի դեպքում. nairimed.com
Մեր զրուցակիցն է օրթոպեդ-ուռուցքաբան, «Նաիրի» ԲԿ օնկոօրթոպեդիայի և ոսկրային ախտաբանության ծառայության ղեկավար Գալուստ Գալուստյանը:
- Ծառայության շրջանակում ինչպե՞ս է կազմակերպվում բժշկական օգնությունը:
- Մեր կլինիկայում բուժօգնությունն իրականացվում է համակարգային հետազոտման ու բուժման սկզբունքով: Միայն հստակ ախտորոշից հետո այս կամ այն բուժման մեթոդն ընտրելու վերաբերյալ որոշում է կայացվում: Դիմած հիվանդների մեծ մասը ենթարկվում է վիրահատական բուժման, սակայն կան հիվանդներ, որոնց նախավիրահատական բուժման սխեմայում պարտադիր ընդգրկվում է դեղորայքային կամ ճառագայթային բուժում:
- Ինչպիսի՞ն է գործիքային հագեցվածությունը:
- Կլինիկայի ախտորոշիչ ծառայության եւ վիրահատարանի հագեցվածությունը և մասնագիտության մեջ հմուտ բժիշկներով համալրումը թույլ են տալիս դժվարագույն խնդիրներ լուծել և կյանքի կոչել ծանր հիվանդների: «Նաիրի» ԲԿ հագեցվածությունը գործնականորեն չի զիջում առաջատար եվրոպական կլինիկաներին:
- Նորարական ի՞նչ տեխնոլոգիաներ և մեթոդներ են կիրառվում ծառայությունում:
-Ոսկրերի չարորակ ուռուցքների բուժման ժամանակ մեր կարևոր խնդիրը ամպուտացիայից խուսափելը և ախտահարված վերջույթի պահպանումն է: Որպես կանոն, մենք կարողանում ենք հասնել մեր նպատակին` օգտագործելով եվրոպական ժամանակակից անհատական էնդոպրոթեզներ (հեռացված ոսկորի փոխարեն տեղադրվող արհեստական հոդեր): Համապատասխան էնդոպրոթեզները, հատուկ գծագրերի օգնությամբ, ընտրվում և պատրաստվում են նախքան վիրահատությունը եւ մեկ ամսվա ընթացքում ուղարկվում Հայաստան: Օրինակ, մենք ունեցել ենք դեպք, երբ մեկ անձի մոտ երեք հոդ է փոխվել (հիվանդի մոտ առկա էր մետաստազներով բարդացած ուռուցք):
Որոշ բարորակ ուռուցքների ժամանակ իրականացվում է, այսպես կոչված, նվազագույն ինվազիվ վիրահատական միջամտություններ, որոնք թույլ են տալիս հեռացնել ուռուցքն` առանց մեծ տրավմա հասցնելու մայր ոսկրին: Այս միջամտությունն ունի իր ընթացակարգը. իրականացվում է նախավիրահատական նավիգացիա, այսինքն, նշվում է ախտահարված հատվածը, ինչը թույլ է տալիս վիրահատության ժամանակ հեռացնել միայն օջախը: Այսպիսի մոտեցման շնորհիվ հիվանդին հնարավոր է ավելի շուտ ոտքի կանգնեցնել:
Այս ամենից զատ, ծնկահոդի արտրոզների ժամանակ կիրառվում է նաև պրոքսիմալ ֆիբուլար օստեոտոմիայի մեթոդը` նույնպես նվազագույն ինվազիվ ճանապարհով, ինչը թույլ է տալիս հետաձգել էնդոպրոթեզավորման ժամկետը` օգտագործելով սեփական հոդի ռեսուրսները:
Ծառայության շրջանակում նորույթ է ոսկրերի բարորակ ուռուցքների վիրահատության ժամանակ ուռուցքը հեռացնելուց հետո սինթետիկ ծագմամբ հատուկ ոսկրանյութի կիրառումը, որը թույլ է տալիս կարճ ժամանակում վերականգնել հեռացված ոսկրի կառուցվածքը` շրջանցելով հիվանդի մարմնի մեկ այլ հատվածից ոսկր վերցնելու անհրաժեշտությունը:
- Ինչո՞վ է առանձնանում օնկոօրթոպեդիան` բժշկական այլ ոլորտներց:
- Օնկոօրթոպեդիան բարդ մասնագիտություն է` հայտնված երկու ինքնուրույն մասնագիտությունների խաչմերուկում: Հաշվի առնելով, որ պացիենտների շրջանում գերակշռում են երեխաներն ու դեռահասները, մանկաբուժությունը նույնպես ունի դերակատարում: Առանձնահատկություն է նաև այն, որ պահանջվում է հոգեբանական լուրջ միջամտություն, բժիշկների կողմից զգոնություն` ժամանակին հայտնաբերելու վաղ ախտահարման նշանները ու կազմակերպել ախտորոշումն և բուժումը:
- Ոսկրերի ուռուցքով տարեկան որքա՞ն պացիենտ է վիրահատվում:
- Բարորակ եւ չարորակ ուռուցքներով տարեկան վիրահատվում է մոտավորապես 100-110 հիվանդ, ընդ որում, զգալի մասը կազմում են երեխաներն ու դեռահասները:
- Ի՞նչ ախտանշաններ են ի հայտ գալիս երեխաների մոտ, հիմնականում ի՞նչ գանգատներով են Ձեզ դիմում:
- Ի տարբերություն ուռուցքների այլ տեղակայման՝ թոքի, կերակրափողի, ստամոքսի, որտեղ գոյություն ունեն հստակ նախաուռուցքային գործընթացներ, և որոնց չբուժելու դեպքում նախապայմաններ են ստեղծվում ուռուցքների զարգացմանը, երեխաների մոտ չկա հստակ հայտնաբերված ռիսկի գործոն: Այսինքն, ուռուցքները կարող են առաջանալ առանց ռիսկի գործոնի և որևէ տագնապ առաջացնող ախտանշանի: Նախանշան է ախտահարված հատվածում ցավը, ընդ որում, ցավերը չեն համընկնում կրած որևէ տրավմայի հետ, որոնք նաև չեն կարող ուռուցքի պատճառ լինել, սակայն կարող են ուռուցքի արագ աճելու առիթ հանդիսանալ:
- Ինպե՞ս է կազմակերպվում ուռուցքաբանական բազմամասնագիտական թիմի գործունեությունը ծառայությունում:
-Մեր ոլորտում թիմային աշխտանքը պարտադիր բաղադրիչ է, քանի որ ուռուցքաբանության մեջ միայն տեղային կամ վիրաատական բուժումը չի կարող ապահովել այն արդյունքը, որն այսօր համաշխարհային ուռուցքաբանության մեջ ստանդարտ է համարվում: Երբ գործ ունենք չարորակ ուռուցքի հետ, առաջին հերթին, անհրաժեշտ է ընդհանուր, համակարգային բուժում, որը հնարավոր է ապահովել քիմիաթերապևտի, ճառագայթաբանի հետ միասին, որը պահանջում են նաև միջազգային ժամանակակից ուղեցույցերը: Մեր պրակտիկայում դժվար դեպքերի ախտորոշման ժամանակ մշտական կապի մեջ ենք լինում նաև Եվրոպայի եւ ԱՄՆ-ի մեր գործընկերների հետ:
Կարդացեք նաև
Առավել հաճախ գրիպն ընթանում է շատ սուր, բնորոշ են դողը, թուլությունը, գլխացավը, մարմնի ջերմաստիճանի կտրուկ բարձրացումը մինչև տենդային թվերի, այսինքն՝ 40 աստիճանի։ Վերին շնչուղիների կատարալ դրսևորումներն ի հայտ են...
Ի՞նչ ախտաբանություն է մանկական ուղեղային կաթվածը:
Մանկական ուղեղային կաթվածը (ՄՈՒԿ) հավաքական ախտորոշում է: Երեխայի ծնվելուց հետո ուղեղի տարբեր...
Խոսենք պտղի և նորածնի հիպօքսիաների մասին:
Հիպօքսիան թթվածնի պակասն է հյուսվածքներում: Այդ գործընթացը կարող է սկսվել ներարգանդային կյանքում...
Աղիքի ինվագինացիան քղիքի մի հատվածի ներդրումն է մյուսի մեջ՝ աղիքային անանցանելիության զարգացումով։ Հիվանդությունը հիմնականում զարգանում է մինչև մեկ տարեկան երեխաների մոտ...
Բոլորն են երազում առողջ երեխա ունենալ, բայց ոչ բոլորն են գիտակցում, որ դրա համար նախ պետք է հոգալ սեփական առողջության մասին. Նման կարծիքի է «Շենգավիթ» բկ նորածնային և մանկական վիրաբուժության բաժանմունքի...
Շնչառական հիվանդություններն ամենահաճախն են հանդիպում, քանի որ հիմնականում վիրուսային ծագում ունեն և փոխանցվում են օդակաթիլային ճանապարհով: Հետևաբար, քանի դեռ հաճախ հանդիպող շնչառական վիրուսների...
Պարբերական հիվանդությանը (միջերկրածովյան ընտանեկան տենդ) վերաբերող հաճախ տրվող հարցերին պատասխանեց Արաբկիր բժշկական համալիրի Մանկական գաստրոէնտերոլոգիական ծառայության և Պարբերական հիվանդության...
Օրթոպեդիան մասնագիտություն է, որը զբաղվում է հենաշարժիչ համակարգի ախտաբանություններով: Մանկական օրթոպեդիան զբաղվում է հենաշարժիչ համակարգի բնածին եւ ձեռքբերովի խնդիրներով...
Ինչո՞ւ է շաքարային դիաբետն անհանգստացնում մանկական տարիքում , ինչպե՞ս կանխարգելել, ի՞նչ պարբերականմությամբ արյան մեջ չափել շաքարի մակարդակը եւ հիվանդությանը վերաբերող նման այլ հարցերի շուրջ զրուցեցինք...
Հայաստան Համահայկական հիմնադրամի «Հեռաուսուցում և խորհրդատվություն» ծրագրի շրջանակում փետրվարի 16-ին Հանրապետական գիտաբժշկական գրադարանում տեղի ունեցավ «Երեխաների արտահիվանդանոցային...
Չնայած նրան, որ վերջին չորս տասնամյակների ընթացքում քաղցկեղից մահացության մակարդակը նվազել է գրեթե 70 տոկոսով, այնուամենայնիվ, նախկինի պես հիվանդություններից երեխաների մահացության հիմնական պատճառներից է...
Երեխաների մոտ թոքաբորբի ախտորոշման չափանիշ համարվում է կրծքավանդակի ռենտգեն հետազոտությունը, սակայն նոր բժշկական «Իկան» դպրոցում հայտնաբերել են, որ թոքերի ուլտրաձայնային հետազոտությունը կարող է...
Warning: mysqli::query(): (HY000/1): Can't create/write to file '/var/tmp/MYcIPTjW' (Errcode: 28 - No space left on device) in /sites/med-practic.com/classes/DatabaseManager_2.1.php on line 1403